Finally, attending Traslacion after years...

VIA ONLINE STREAMING

Dae sa plano ko pa (or dati), dae na talaga ko makak-buya sa pagkabuhay ko.

In short, hi-tech na talaga kita. 4-5 years from now, pwede na magbuya-- via clicking a button. Baka ngani may stats pa yan-- pira nagbubuya, pira burat.

Also, additional notes;

+ Nakaka-ogma man dangogon sarong "coverage" in pure Bikol. (Aram mong pure ta 30% kang mga tinataram dae ko maintindihan)

+ Father Bersabe daa saro commentator. Garo si pinsan ko pa ni. (+ Confirmed, ta next shot nahiling ko on-cam si hosts. Si Father Philip palan. Pinsan ko talaga.)

+ Mauli na ko. Fiesta weekend dawa harayo sa Naga. Makakan na lang grabe starting tomorrow 'til next week (end) para fiesta week man daa.

Demise in Davao

Naka-type na ko saro paragraph in English. Inda ta dinelete ko. Pagal garo. Kaya nadesisyunan na Bikol na lang ang sakong isusurat. Tano pagal? Well, dahil sa Clear Men Future League (They could have done better with a commercialized name. Basta nababaduyan ako. After all may saying: "The customer is always right" pero the client "is god." and to a point, ineffable. So yan, bawal magreklamo sa mga bagay bagay na arog kayan. Case in point;

1) Namove ang actual airing kang show and thus ang days of shoot of the Manila Finals dahil kay Chris Tiu. The deal is gusto kang klaradong shampoo na panglalake na ang Atenista (de Manila, habo ko ma-associate sa mga tao na taga duman especially su mga hambogon arog kang saro sa mga semi-boss ko these days) ang maghost sa show, and kapag sinabi na kang cliente, you have to move heaven and earth and yan ang ginibo ninda including moving the tourney to later dates...

2) Kung isay ang gusto ninda iyo talaga dapat masunod. Thing is, nagdesisiyun sinda na si Sharon Yu (wll post pics soon, mapaaram muna ko saiya) ang babaeng hosts. Good thing ta iyo talaga yan ang boto ko kang poon pa lang. Over the likes of a Krissy Tiu and others na sa hiling ko masasakitan magadjust sa (relatively new) kind of sports reality show digdi sa 'pinas. So anyway, si Ms. Yu ngani ang nakua and ok man sya from most perspectives dahil a) very versatile sya, dikit na instruction kang producers/directors/CLIENTE eh natrtry na nya agad and in most cases naa-achieve man ata ang gusto kang gabos.

3) Actually, mga pagpili pa man lang kang hosts ang makokomentohan ko ta iyo pa man lang ang konkreto. While may mga ideas and suggestions hale sa taas eh dae pa man naeexecute (post prod) ang actual episodes kaya dangogon and balgahon na lang ang ideas and suggestions ninda na sa hiling mi (ko, sa writing kang script/spiels) harayo naman sa katotohanan (with slight patama sa "reality" aspect kang show)

Yan pa man lang ang dikit na obserbasyon sa klaradong project na ini.

Iba pang random rants:

1) PutanginangDavaonimaskisaenmayNOSMOKINGsign. Dikit lang masasabi ko digdi, kung sakali may budget na ko pang Philippine Tour saro ni sa siyudad na dae ko isasali sa itenerary. Lintek.

2) Ok man maski pagal basta nachachallenge ka sa ginigibo mo. Sure, nagiisip na ako mag-quit and stuff because not of the circumstances but with people who make those circumstances err very hard to tolerate. Pero at the same time may mga tao man na gusto mo makaiba sa circumstances na yan maski gano kasakit ta mararahay man sindang tao and gusto ko man talaga ini challenge na ini.

Pagal. Pagalon talaga. As usual, let's cross the bridge when we get there. Pag dae talaga suno eh di suloon.

Aga na naman. Alas dose singkwenta-y-sais. Salamat sa Diyos medyo amay yan sa standard ko pero at least.Maturog na ako sa laog kang 4-star room sa 4-star bed kang 4-star hotel digdi sa Davao. Luzon, Visayas o Mindanao. Tsk. Naiisip ko man giraray ang habo ko mga isipon. Tsk.

Pasawang turog et al

Ma naman masabi gusto ko lang post ang various pictures from the latest Naga trip featuring ermana's birthday bash including scabetti (yan ang spelling ni Jigs sa spaghetti) and iba pang engrandeng handa arog kang adobo tsino (?) saka manok (chicks pa sinda kung isipon ta saradit sana). Also featuring ang Ateneo de Naga University images including ang model sa pictures na si Jigs man giraray. Lintek, sa kapatalan LOWBAT pa ang camera kang pagdaraha ko sa dating eskwelahan. Iyo, iyo na Patal patal talaga, pero ok naman at least may mga picture na ako kang sakong dear school. Promise, sa sunod iwas kapatalan na.

i USED TO be fun

Ha! How's that for an accusation? Apparently, i have lost it. i might be losing it all, but definitely not it. They won't understand it because i don't. And it's all relative, if you know what i mean.

Pagdinalan mo ang pasali, apod dyan box-office hit! Pagdae ka naggibo ning pasali? You used to be fun dyan ang apod and naghahalat lang sinda na ipadagos ang pelikula... (Trilogy? Series?) Dae ninda maiintindindihan na ma na maabot na na pasali. Tapos na. The end na ang pelikula. Dae ninda yan maiintindihan ta dae ko naiintindihan. Relative apod dyan.

Mayong pakiararaman. (Dae yan negative, arog lang talaga kayan dangogon medyo smart-ass.)

Aram mo kung nasa Naga ka kung...

...gabos na dumanan mo kinse minutos sana ang rayo (with traffic).
...naoogma ka sa "trapik" sa centro (basically, the central business district of the town).
...harayo na ang ma-aabot kang "double-ride" sa tryk.
...supog ka pa sa garo kastang driver kang tryk ta sais pesos (P6.00) lang ang minimum na pamasahe kaya dadagdagan mo na lang ta masupog man garo nagtiios man na marhay.
...naglalaag ka na ning "flag down rate" sa mga tryk dahil sa parehong rason sa taas.
...dakol garo kastang driver. Not to mention, magugulang saka mapanglamang. (Sabagay pareho man lang sa Manila pero iba man pagmati sa sadiring mong teritoryo.)
...paglaog mo sa mall entrance, exit na tulos ang mahihiling mo.
...pagluwas mo ning mall, dae ka naggastos.
...ma kang pakiaram kung dae ka nagkarigos poon kansu Huwebes tapos naglakaw-lakaw ka sa sentro.
...dae ka badtrip sa mga mariribok sa palibot mo ta Bikol ang gamit ninda pagtaram.
...badtrip ka kung may mga nag-Ta-tagalog sa palibot mo ta pagatubang mo si kabatch mo na taga-Kolehiyo. Pa-cute man giraray.
...sanggatok, more or less, ang sarong bucket ning beer.
...sanggatok, less, ang mga pulutan from Chicaron Bulaklak to Sisig to Lechon Kawali to Calamares.
...sanggatok sana ang kwarta mo pero pwede ka na mag-"gimmick". Pwede ka ngani actually maburat saka magpasagad.
...Halos "familiar faces" ang gabos na tawo na nasasabatan mo dawa na first-time mo pa man lang ngani sinda nahihiling (Side note: nagpapangadyi ka man na sana bako saro sinda ang saro sa ex-girlfriend mo)
...pagbaba mo sa bus (haling 8-hour travel from Manila) langit ang nalanghap mong probinsayong duros.
...pagsakay mo sa bus (bago ang 8-hour travel to Manila) impyerno ang pagmati mo ta marayo ka naman sa Naga.

Pano na sa sadiri part II (So full of myself)

Saen na ngani kita? Ah iyo. Sa kasuyaan. Sa kabadtripan sa bagay na dae aram. Ang sigurado lang may koneksyon sako, sigurado man apod dyan problema. Ribong ka man o dae, sigurado maisip ka ta maisip ka. Natural na reaksyon yan and natural ang magreact kay ma ka magigibo: maisip ning maisip ning maisip.

Habo ko na. Pagal. Bako yan absolute statement. Hilaw yan na hinaing kung ano man namamati ko sa mga oras na ini. Dahil sa buhay minsan mo lang makua ang talagang gusto mo--- pero all the time, aram mo ang gusto mo pati dae mo mga gusto--- ang dae ta lang masolusyunan eh pano ta ni gigibohon. Saen kita mapoon. Saka, kaya ta daw talaga? (May mga doubts ta may pagtubod, comes with the territory yan; ang tunay na hapot matubod ka daw maski dakol ng doubts?)

Habo ko na. Habo ko na. Garo ika-anum na bote ning Red Horse Jumbo. Masiram iyo. May yelo pa. May Oishi (classic) pa. May yosi ka pa. Kumpleto kung sa kumpleto. Maogma kung maogma. Pero kung nagsuka ka na mahabo ka na lang ta.. Habo mo na.(though kaya mo pa ata ning sarong pang bote o kung dae man kaya eh di isuka mo na lang ulit).

Iyo mismo yan ang buhay. Magibo kita ning mga bagay na nakapaogma sato in 5 minutes. Pagbwinenas ka minsan maabot 5 days. Minsan 5 months. O kung lab mo talaga, 5 years. Pero natapos yan gabos and aram mo yan sa poon na pa lang na matapos man ang gabos. Sabi daa it's the trip not the destination. Pwede man talaga, pero may malalaen na paglalakbay na dae matukal saimo pagnakaabot sa puro. Malaen yan sa pagmati. Magatol. May mga lugad na kakagawon dae tuyo dahil magatol ngani, and maaraman mo na lang nagbuka na ulit ang lugad. Malaen yan sa pagmati. Iyo masiram si kagaw, pero pagnatanggal ang kagan... Maghanap ka na alcohol. Ang problema lang minsan bako isopropyl ang inuula ta kung dae beer. Pareho man lang yan alcohol... Pareho man maagi sa kulog.

Mapagal. Mapagalon. Most mapagalon. Ulit ulit. Hanap ka ning hanap ning rason... Gabos na gusto mong maging rason nagdudulag kung dae man, nawawara. So hanap ka na lang ulit. Habo ko na talaga. Pramis.

Pano na sa sadiri (Full of myself)

Habo ko na. Mapagalon na. Marhay man ang trabaho, dakol gibo sa mga aldaw na ini pero garo naguulit ulit naman. Pero dahil may Olympics sa August sigurado maabot pa ako kayan digdi sa panahon na yan. Habo ko na pero dae man ako basta basta mawalat responsibilididad. Malaen man yan na reputasyon na iwawalat mo--- bako yan sa tama o sala kung bako ang nawalat sa konsensya mo. So, sa halipot na sabi, dae ko man garo yan gigibohon (While Naga, tambay sa Naga or otherwise is a good option still...)

Dakol kang iniisip sa panahon na ini. Iniisip mo na kung gano kainit sa impyerno ta malamang duman ka paduman. Kung worst-case scenario pirmi ang utak mo, syempre kadakul kang kapraningan na mabubuo sa laog kayan. Sa halipot na sabi, malaen sa pagmati.

Habo ko na. Mapagalon na. Garo limang sunod na fastbreak attempts tapos ma ka lamang na i-convert. Puros turnover o bad decision. Si mga dapat tira, nageextra pass ka pa. Si mga pasa, binuaya mo. Lost chances kumbaga. Ulit ulit sa payo mo mina-replay sabay ulit ulit mong kinakaulay ang sadiri mo na ma kang kwenta. Ma kang kwenta. Ma kang kwenta.

Masakit magpara-explica kang mga bagay bagay na dae mo maintindihan tapos dae ninda maintindihan. Subanggi lang dakol inakusa saimo. Siguro bakong akusa, dakol lang sinda opinyon na nagtataginting sa talinga mo. Guilty ka o sala, bako na yan ang punto minsan. Bako na kung tama ka o may paaging tama kung bako ma ka lang talaga option kung dae maging ika. Ta iyo naman sana yan ang matatada saimo.

Absolute ang gabos na tigsarabi; tungkol lang ni ata gabos saimo. Tanggalon ta na ang ata. Tungkol at ni gabos saimo. Sa sadiri ko. Selfish. Self-centered bastardo. And minsan, naisip mo kung napapanahon na akuon mo na lang arog kayan. Pirmi na lang, gabos na ginibo mo para sa iba mabalik na tungkol saimo. Dawa ano pa intensyon mo ta naturingan ka nang saro kang makasadiri, mayo na yan sinasabi mong good intensyon.

Tama na muna na yan. Makakan. Mayosi. Maisip. Habo ko na maanggot. Paduman man gabos yan sa sadiri.

Habo ko na. Pagal na ako.

By the end of the year, i will be on everyone's Ignore List.

i think that perhaps that i should apologize to a lot of people. i think. Perhaps. But as i have told bluntly albeit some,ANYone late last week: If my honesty can't save me, i don't know what will (Uulit uliton ko yan sa payo ko). So here's a bicol-english blog for a forgettable-unforgettable week that was. In bicol, mas totoo dangogon eh. Kaya uya ang para sa mayo:

Nagpoon ang gabos kang su Miyerkules o Huwebes ata. Nakikiulay ako paagi kang maasahan na imbensyon na apod YM (Greatest invention since the wheel) sa sakong kras duman sa business center kang Metro Manila duman sa balyong opis kang sakong kompanya (In short, nagpipirit na magpacute) So anyway, sa tahaw-puro kang magayagayang paguulay nakaabot kami sa ulayan ning sakong imbitasyon na magluwas (maski ano talaga, pamahaw, i-snak sa aga, pangudto, i-snak sa hapon, pamanggi midnight snak sa midnight, maski arin saro dyan)... Tapos nakaabot kami sa urulay ngani na may lakaw daa sya (Forever busy ining kras ko) over the weekend (In short, pseudo-basted weekly ang pagmati ko kada semana!)... So si sakong pirit na magpacute (actually, na makaiba sya, iyo lang talaga yan ang rason) nagpara-insist ako na maiba na lang ako sa lakaw nya. Apparently, may church service or something sya (Religous-slash-maboot siya) kaya sabi ko maduman na lang ako tapos mahapit... Tapos sa sakong sobrang pagigiging brutal na pranka nasabi ko na arog kaini (not exact words and syempre taglish): aram ko dae na kami close ni Lord pero siguro man maiintindihan nya na maduman ako BAKO dahil saiya kung dae saimo.

In short, that was quite a sweet thought until the point na nasabi nya na she doesn't appreciate ang arog kaidtong pagiisip... (Napangirit na lang ko sa sadiri ko mga panahon na ini ta diretso ko lang nasabi, saka maski si Hesus, nagngingirit man to, sigurado ako namatean nya man ma pseudo-in-love kang panahon nya sa mundong ini)

Dag dag mo pa si simbag ko: If my honesty can't save me, i don't know what will.

Tapos iyo na yan. Tapos na urulay. And sa hiling ko? Tapos naman ang tsansa ko na maka-pamahaw, i-snak sa aga, pangudto, i-snak sa hapon, pamanggi midnight snak sa midnight siya. Kumbaga sabi ni Old Man Noel: It's Over. Haay, buhay, ano?

So akala ko iyo na to ang katapusan kang sarong kind of malaen na semana pero dae. Kang su Biyernes sarong barkada ko naman ang sakong napranka; Siguro dara naman kang arak and emosyon, pero medyo sa hiling ko may mga tao lang talaga na nagooverreact as well as GARO TALAGA ako KASTA (asshole) paminsan.

Habo ko na pagulayan pa ang detalye sa blog na ini, ang gigibohon ko kakaulayon ko na lang harapan, and prankahon pa si barkada kong lalo.

So all in all, nangiiwal lang talaga ako this week. Pati sa forums naghahanap ako kasimbagan. (and nakahanap ako) Si Don gusto ko pangahon, si Christian sipaon, si Budoy latakon, si Bonks bayagon, si Che sapakon. Suluon ang Barranca, gabaon ang sadit na istaran sa Antipolo. Email blast gabos na kabisto with just two words: LOSI MO.

Gabos ko yan gigibohon ta lab ko gabos yan. Lalo na itong naenot na duwa sa istorya ko (yeee.)

By the end of the year, i will be on everyone's ignore list